免費咨詢報價

根據主人持有主子文件﹑流程進度﹑出發日期等資訊提供最快迅可行方案。我哋向客人發出嘅報價單都會列明每項收費，絕無隱藏/濫收費/坐地起價令人顧慮問題。有商有量大家雙嬴。

辦理出國文件

主人們出發海外前先會留意到目的地國家對於貓狗疫苗注射同日期係有限制，甚至主人飼養年幼主子時都無打過任何一針。我哋會跟進主子首次/補打預防針/狂犬針日期再計出最快可出發日子並預留時間辦理出國文件，主人無須心掛掛，又怕漁署拒簽延誤行程所產生嘅壓力。

預訂航空寵物艙位

主人同主子會同一班機離開嘅話，隨行托運寵物機位價錢相比貨運形式更經濟實惠。雖然目前機位難求，不過我哋都願意為您「撲飛」㗎

準備舒適航空箱/旅行袋

萬事俱備，只欠東風。文件同艙位都搞掂，最後把關就係主子嘅舒適同安全問題喇。每間航空公司都有佢嘅準則，無錯，的確係花多眼亂，無留意細節隨時買錯唔合規格嘅航空箱或旅行袋，辦理登機手續時航空公司職員係有權拒收。所以我哋準備咗唔同尺寸航空箱同旅行袋以備不時之須。

協助目的地清關

人生路不熟，到達目的地落機已經要搵行李區接主子，心情緊張仲邊諗得咁多？主人出發前，我哋會提供文件檔發比您，裡面包含清關指示同所須文件，萬一當地無上網聯絡唔到我哋，一個文件檔都會幫到你解決清關問題。到時清關完成，一切壓力釋放，您內心自然浮現一句：我得咗啦～阿～媽～