呢間公司係2019年以有限公司名義成立，係由一個誤打誤撞投入航空物流界嘅後生仔所創辦。當初呢個後生仔初衷入行乜經驗都無，機緣巧合之下入咗一個好好嘅部門，以前主力負責做老牌航空公司啲老前輩都係哂度，全部經驗老到，而且有帶徙弟制，肯教新人，根本就係貨運業最正統流程指標之選。呢個後生仔知道呢度學到野，即使朝早返七點，就算幾眼訓都準時凌晨五點起身搭巴士返機場，香港機場習慣OT到夜晚十二點都無所謂。如事者邊做邊學，做下又一年，做下又一年，發現香港物運業呢行太冷門而且行內人做法只係口傳，啲貨運代理一大疊文件資料比客人簽根本都唔知邊張係航空公司先要。後生仔深感香港物流業首屈一指，但行內做法太馬虎，於是決定出黎開公司用返最正統嘅方法帶比顧客最優質﹑專業服務為目標。

點解會係做寵物移民公司而唔係貨運？

動物係生命，貨運形式上要求用唔同嘅航空箱/木鐵籠，確保佢地嘅安全。處理唔同品種有唔同方法，例如扁鼻貓-英短/扁鼻狗-法虎，只有少量航空公司會係當地冬季時令先接受預訂艙位，係航空箱方面都要跟據要求尺寸大啲，務求加強對流通風令扁鼻動物呼吸暢順。此外，亦有可能需要代理去定製一個「消暑方法」幫助佢地係飛行程中舒適。畢竟起程點同目的地可以係南北半球，落機卸貨時機組人員係機底搬運拖板返倉需要時間，本身空間溫度做得唔好，加上動物緊張抖大啖氣，都有機會當場中暑。所以寵物移民並唔係簡單一個動作放入航空箱安撫動物情緒就完，有好多細心位需要去留意同處理。呢一點，正是呢位後生仔創辦人所堅持嘅理念，亦因為咁，慢慢地吸引咗幾位既鐘意動物又唔怕污糟嘅同業朋友一齊做落去。